Bevors id Summerpause gaht, gits am 27. Mai numal es grossartigs Pfnuttere und Fuettere: Comedy und Ässe vom Feinschte! Und es wird poetisch!Mit debi isch dasmal de Remo Zumstein. Als Schwizermeister im Poetry-Slam beglückt er mit Berndütsche Text zu Themene, wo mer eigentlich nur mit Humor begegne chan: Todsünde im öffentliche Verkehr, Grammatik, Afang vom Endi, massvolle Umgang mit Alkohol und Träum.Zäme mit em Herr Richiger sorgt er für luschtigi und poetischi Unterhaltig, d’Chuchi vom Rechberg kreiert dezuä es feins Menu. Pfnuttere und Fuettere isch sich chugle vor Lache und dezue munter Schnabuliere. Und trinke! Chli z’viel trinke dezue chan mer au no. Grossartig!"das wird sooo fädammt geil!, ich g’hei dure! Im Ernscht! (oder im Dieter!)".

Comedy Dinner

Artikelnummer: 20170527
CHF85.00Preis
  • Wenn Du leider us irgend emne Grund nöd chasch ade Verastaltig teilneh, chasch Du bis am 17:00 Uhr vom Verastaltigs-Vortag euis telefonisch (044 222 18 37) oder via Ii-mail (info@rechberg.ch) Bscheid geh und mier erstattet Dir de Billetpriis. Aber nume wend versprichsch, es anders Mal defür z cho ;-)

  • Du erhaltisch vo Euis es Ii-Mail mit Dim Billet als PDF im Aahang. Das chasch dänn eifach i di Postiigang bhalte, bisd bi Euis xi bisch. Musches aber nöd usdrucke, mier reserviered Dir en Tisch uf Din Name.

Wenn & Wo & Wie
Da simmer

Chorgasse 20

8001 Zürich

I de Schwiiz

Öffnigsziitä

Mäntig bis Fritig  11:45 bis 14:00

und vo 18:00 bis 22:00

Am Samstig ab 19:00 bis 23:00

Sunntig machemer frei

No chli meh vo euis:
  • Black YouTube Icon
  • Black Instagram Icon
  • Black Facebook Icon

©2017 gmacht vo ois