In English please

Mittwoch 8. Juli 2020: Die Keller WG im Rechberg. Wein aus erster Hand erleben

ILADIG

Entspannt Gnüsse 
 

Unter Iihaltig vom Schutzkonzept verwööned mir Eui wieder. Jewiils vo Dsischtig bis Samschtig serviered mir a wenige Tisch es unterhalsams Menü us naturnaae Produkt. Witerhin werded Tisch nur eimal pro Aabig vergeh. 

 

Zum en Stau am Iigang zvermiide, bittet mir Eui, die uusgwälti Reservationsziit izhalte.

 

Everything's Fresh Here at Bread.

 
New

Ihr sind herzlich willkomme...

bi euis cho go Zmittag ässe, 

oder zum Znacht iztrudle

Am Samschtig ladet kultureli Veraschtaltige zum verhocke ii

Mir froied euis!

Wänn & Wo ?

 
Grüeziwool

Das sind mier. De Carlos, d Anja und de André schtönd am Herd, d Celine, de Raphael und de Alexander sorged für Euies Wool.

S Huus vom Reschtaurant Rechberg isch 1837 paut worde. D Ziit vor de Induschtrialisierig isch interessant im Bezug uf Läbesmittel. Ufem Märt isch z finde gsi, was d Saison und Region hergee händ. S Agebot vo de no chliine Höf us de Umgäbig hät hauptsächlich us urschprüngliche Gmüessorte und Fleisch vo iiheimische Tier 

beschtande. Langi Transportwäg sind no seer erschwärlich gsi und händ exotischi Güeter rar gmacht.     

Inschpiriert dur d Epoche vo de Erbauig vom Rechberg händ mir euis entschide, mit Produkt z schaffe wo i de damalige Ziit erhältlich gsi sind. Mit ziitgemässe Technike verarbeitet mier die Produkt zunere innovative Traditionschuchi. 

Begleitend zu euisere Chuchi büted mier es usgwäälts Agebot vo usschliesslich Schwiizer Getränk a. Vo Süessgetränk über Schpirituose bis hi zum Wii:  Hinter allem was mier uschänked schtönd lokali Produzänte mit Liib und Seel.

Will nüt de Geist vonere Region mee beläbt als Kultur, nutzed mir d Sämschtige für bsunderi Abigaläss. Dur es Zämebringe vo Kunscht und Kulinarik schaffed mier es einzigartigs kulturels  Erläbnis im intime Raame.

Mier froied euis druf, das mit Eui z teile